شیعرو جگەرە

کاتێک شیعر ده‌یه‌وێت جگه‌ره‌یه‌ک داگیرسێنێ

توتنی کۆپله‌یه‌ک گڕتێبه‌رده‌دا.

بۆ سه‌مای نێو دوکه‌ڵی هۆنراوه‌یه‌ک

ژنه‌ شه‌رابیه ک

به‌قاقای ڕه‌نگ

وه‌ک که‌مانچه‌ژه‌نێکی بێ نازی شار

که‌ وه‌رزه‌کانی پڕن له‌نۆته‌ی گه‌ڕان

ئاوازێک بۆ ڕێبواران ده‌ژه‌نێ.

کاتێک شیعرده‌یه‌وێت بێته‌ قسه‌

زمانی کۆپله‌یه‌کی دێته‌ گۆ

تا ڕاڤه‌ی ژانی په‌یدابونی بلاوێنێ و

به‌ ته‌نیشت شاندادانی سێبه‌رێکه‌وه‌

  سڵاوێ له‌  سنه‌وبه‌ری یاد ده‌کا. 

23:52 - 22.7.2006 - ناردنی کۆمینت

کۆمێنت بێ‌ناو

له‌گه‌ڵ رێز و حورمه‌تم، هه‌ر ویستم ئه‌وه‌ بڵێم که‌ دوای چه‌ند جار خوێندنه‌وه‌ی هۆنراوه‌که‌تان به‌داخه‌وه‌ هیچی لێ تێنه‌گه‌یشم. به‌راستی من نازانم مه‌به‌ست له‌ نووسینی هۆنراوه‌ی ئاوا چیه‌ ؟ کێبه‌رکێی ریز کردنی ووشه‌ی نامۆ له‌ په‌نا یه‌کتر بێ بوونی هیچ په‌یوه‌ندیه‌ک له‌ نێوان واتایان ؟ . ئاخر"تووتنی کۆپله‌یه‌ک" چیه‌ و ئاگر تێبه‌ربوونی چیه و چ په‌یوه‌ندێکی به‌ داگیرساندی جگه‌ره‌یه‌ک له‌ لایه‌ن شیعرێکه‌وه‌ هه‌یه‌‌. "ژنی شه‌ڕابی" چ جۆره‌ ژنێکه‌ و "قاقای ره‌نگ" له‌ کوێ بیستراوه‌." شاندادانی سێبه‌ر " یانی چی ؟ وه‌رزی که‌مانچه‌ژه‌نی شار ؟ به‌ بڕوای من ئه‌وه‌ جگه‌له‌ ریز کردنی ووشه‌ چی تر نیه‌ که‌ نه‌ ته‌نیا هه‌ست بزوێن نین‌ به‌ڵکوو که‌مترین هارمۆنی‌یه‌کیشیان له‌گه‌ل یه‌ک دا نیه‌.

نه‌ناسراو - 01:45 - 23.7.2006

---

کۆمێنت بێ‌ناو

زۆر بە سەرنجەوە بابەتەکانتم خویندەوە زۆر جوانن بە تایبەت ئەو کۆپلەی شیعر و جگەرە ، فانتازیایەکی گەلێک جوانی تێدایە وێنەکانی زۆر جوانن زۆرتازەن هەر لە داگیرانی جگەرەوە لەلایەن شیعر، ژنە شەرابی، نۆتەی گەڕان، شاندادانی سێبەر ... بە بۆچونی من ئەم چەند دێڕە دەتوانێت سەرەتای قەسیدەیەکی گەورەبێت.
بەراستی ئەو شیعرە هەر ئەوەندەیە؟

ئاڤان - 15:02 - 30.7.2006

---