،،،،،،،،،

زۆر ده‌مێک بوو هه‌لی ئه‌وه‌یان بۆ نه‌ڕه‌خسابوو  دوو به‌ دوو قسه‌بکه‌ن.  بۆیه‌ دوای ماوه‌یه‌کی زۆر له‌ دابڕان و بێ ژوانی هه‌ردوکیان زۆر سه‌یر بوون! له‌و دوو که‌سه‌ی جاران نه‌ده‌چوون. جارانی به‌ر له‌سه‌فه‌ره‌که‌ی ئه‌و ئاوا نه‌بوو. جارانی سه‌وز له‌هه‌ر کوێیه‌ک و له‌لای هه‌رکه‌س بیبینیایه‌  ماچه‌که‌ی خۆی لێده‌ویست ئه‌ویش جگه‌ له‌ خه‌نده‌ و بزه‌ وه‌ڵامێکی تری نه‌بوو. جاران ماچه‌کان سه‌وز و مزر بوون وه‌ک ڕێواس.   که‌چی ئێستا‌ وه‌ک ئه‌وه‌ی یه‌که‌م دیداریان بێ ، ده‌ستیان ده‌له‌رزێ  که‌سیان جورئه‌تی ئه‌وه‌یان نه‌بوو باسێك بکا. ئاخر له‌ کوێوه‌ ده‌ست پێبکات ئه‌وه‌ی ئه‌م ئه‌یه‌وێت بۆی باسکات  وا به‌ ئاسانی کۆتایی نایه‌ت ، دڵیشی ڕێگه‌ینادا هێنده‌ ئه‌و ڕاگرێ بۆ قسه‌کانی. ئاخر ده‌ترسێ کات به‌شی نه‌کا.   هه‌ر هێنده‌ی بۆ کرا دوای کاتژمێرێک له‌ چاوه‌ڕوانی و نزیک به‌ کاتژمێرێکیش پێکه‌وه‌ بوون . هیچیان نه‌ووت !!!!

 شه‌وت شاد،،،،،، ئه‌وه‌ یه‌که‌م و دوا قسه‌بوو ، توانی بیکا .

01:26 - 26.8.2006 - ناردنی کۆمینت