بۆننامە

ئه‌م ئێواره‌یه‌ با هه‌واڵی پایزی به‌ گوێدا چرپاندم، گوایه‌ له‌م نزیکانه‌دا دێت و ده‌بێته‌وه‌ میوانه‌ ئازیزه‌که‌ی ئێوارانم.

من و پایز دوو ئاشنایی  له‌ مێژینه‌ی یه‌کین . هه‌ر له‌و کاتانه‌ی که‌ منداڵ بووم و دایکم هه‌میشه‌ به‌ هاتنی پایز که‌یفێکی سه‌یری ده‌گرت .  ناسینێک له‌ نێوانماندا دروست بوو. ده‌مگوت تۆ بۆ هێنده‌ پایزت له‌ خۆشه‌ ؟ له‌ وه‌ڵامدا سه‌رێکی بۆ ئاسمان هه‌ڵده‌بڕی و به‌ چاوێکی پڕ له‌ نهێنی سه‌یرێکی ده‌کردوو ده‌یوت . خۆشم نازانم به‌ڵام هێنده‌ نه‌بێت به‌هاتنی دڵم ده‌کرێته‌وه‌ و هه‌ست به‌ ئارامیه‌ک ده‌که‌م که‌ نه‌مکردوه‌ به‌ر له‌و. 

ئێسته‌ من لێره‌ و ئه‌ویش له‌وێ ماوه‌ی نێوانمان زۆر دووره‌ .  وا پایزیش به‌ له‌نجه‌ی گه‌ڵاکانی و به‌ ڕه‌نگه‌ ئاڵتونیه‌که‌یه‌وه‌ به‌رده‌رگام لێ ده‌گرێت. تۆ بڵێی  بۆننامه‌ی  دایکیشمی له‌گه‌ڵ خۆی بۆ هێنابم؟

خۆش هاتی و تۆ و دایکم  لێره‌ن .

01:57 - 27.8.2006 - ناردنی کۆمینت

کۆمێنت بێ‌ناو

جوانه، دەستت خۆش!
تەوار گیان، ڕەنگه لە گەڵ هەر هەڵکردنی شنەبایەک، پایز بۆنی دایکت بۆ بێنی، هەر بۆیه خۆشت ده‏وێ.......

شنه - 23:57 - 4.9.2006

---