لە چاوەڕوانی گەڕانەوەدا

هه‌ستی به‌ ئازاری سه‌ری ده‌کرد ، گوێی لێ بوو دایکی به‌ ده‌نگێکی نزم وتی کچم دره‌نگه‌ مه‌کته‌به‌که‌ت!

  تا ده‌هات  ئازاره‌که‌ی  زیاد ی  ده‌کرد،  ئازارێکی ناوازه‌ به‌ سکیدا پێچی ده‌دا، هه‌ستی ده‌کرد به‌رچاوی ڕه‌ش ده‌بێت.

هێنده‌ی بۆ کرا وتی ڕه‌نگه‌ ئه‌مڕۆ نه‌توانم بچمه‌وه‌ دایه‌!

 ئه‌و یه‌که‌م منداڵی دایکی و دوا منداڵیشی بوو. ئه‌وکاته‌ی ئه‌م   6 ساڵ بووه ‌باوکی سه‌فه‌ری ده‌ره‌وه‌ی کردووه‌، ئه‌مان لای ماڵی باپیری  ماونه‌ته‌وه‌، و باوکیشی له‌ چاوه‌ڕوانی وه‌ڵامدا 8 ساڵی تێپه‌ڕاندووه‌ و نه‌ وه‌ڵامی هه‌یه‌ و نه‌ده‌شتوانێت بگه‌ڕێته‌وه‌ لایان!

بۆ دایکی قورسه‌ په‌روه‌رده‌کردنی منداڵ به‌ ته‌نها و له‌ چاوه‌ڕوانی هاوژینییدا.  له‌ چاوه‌کانیدا  هه‌ست به‌وه‌ ده‌کرا .

به‌ڵام هه‌رگیز بۆ ساتێکیش  ، ئه‌و سکاڵای له‌ به‌ختی خۆی نه‌ده‌کرد هه‌میشه‌ دڵنه‌وایی کچه‌که‌شی ده‌کرد تا بتوانێت له‌ چاوه‌ڕوانکردنی باوکیدا ئارام بێت.

زۆرکات که‌ ته‌نها ده‌بوو ، کچه‌که‌ی لا نه‌ده‌بوو ئه‌وقسه‌یه‌ی کچه‌که‌ی ده‌هاته‌وه‌ به‌ر گوێ که‌  ڕۆژێک  به‌ده‌نگی به‌رز وتبووی : من بێ ئومێد بووم له‌ گه‌ڕانه‌وه‌ی باوکم و له‌ یه‌کگرتنه‌وه‌مان؟  ده‌ترسا له‌م قسه‌یه‌ که‌ کچه‌که‌ی کردبووی. ..... خۆشی نه‌یده‌زانی ترسه‌که‌ی له‌ چیه‌وه‌یه، ‌ له‌ نا ئومێد بوونی کچه‌که‌یه‌تی  یاخود له‌ چاوه‌ڕوانیکردنه‌که‌ی.

هه‌رکوامیان بێت بۆ ئه‌م مایه‌ی گرنگی دان و خه‌م بوو، که‌ نه‌یده‌زانی چۆن و چی وه‌ڵام باته‌وه‌ بۆیه‌ هه‌میشه‌ له‌ دووی وه‌ڵامێکی واده‌گه‌ڕا که‌ بتوانێت کچه‌که‌شی ڕازیکات و له‌سه‌رچاوه‌یه‌کی ڕاستیشه‌وه‌ نزیک بێت. 

 دڵی هه‌ر لای  قسه ی ئه‌و کتێبه‌ بوو که‌ ووتبوی‌  سه‌یره‌ ژیان هه‌رگیز به‌و ئاڕاسته‌دا ناڕوات که‌ئاره‌زوو ده‌کرێت و هه‌میشه‌ش ده‌بێت بێده‌نگی هه‌ڵبژێت . هه‌میشه‌ ده‌یووت،  سه‌خته‌ له‌هه‌مان کاتدا ژن بوون و دایک بوون و ته‌نها بوون ، چ سه‌خته‌ چ .......

هه‌ر کاتیش قسه‌ی له‌گه‌ڵ هاوژینی ده‌کرد دڵنیاتر ده‌بوو له‌ به‌رده‌وامی  زیاترچاوه‌ڕوان بوونی.

13:18 - 30.9.2006 - ناردنی کۆمینت