چەژنانە

 نازانم چه‌ندی ماوه‌ بۆ جه‌ژن ، به‌ڵام  به‌ بێزارییه‌که‌مدا ده‌زانم که‌ زۆری نه‌ماوه‌. جاران که‌ منداڵ بووم ئاره‌زوم بوو زۆر زوو جه‌ژن بێت و زۆر بخایه‌نێت، که‌چی ئێسته‌ نه‌ک ناخوازم بێت به‌ڵکه‌ خوازیارم ناویشی نه‌بیستم .

جه‌ژنی ئێستا‌م  له‌بری جه‌ژنانه‌ و گه‌ردن ئازادی  که‌ پڕ بووله‌ باوه‌شی گه‌رمی دایک وجه‌ژنانه‌ی باوکم ، له‌م دووره‌وه ‌ده‌که‌م  یادیان .

ئێستا‌ هیوا ده‌خوازم که‌ زه‌مه‌ن بگه‌ڕێته‌وه‌ بۆ دواوه‌ بۆ سه‌رده‌مێک که‌ منداڵێکی سه‌وزه‌ڵه‌‌ی قژ ئالۆزکاوی نه‌ عاقڵ و نه‌ هاربووم  . ئه‌و ده‌مانه‌ی ده‌که‌وتمه‌ بیانوو گرتن له‌دایک و باوکم . ئه‌و به‌یانیانه‌ی جه‌ژن که‌ به‌ هه‌ڵمی چێشت و قرچو هوڕی ڕۆنی دایکم و دڵه‌ ڕاوکێی خۆم بۆ هاتووهاواری جه‌ژن سڵاوم له‌ ڕۆژێکی نوێده‌کرد.

 بیرمه‌ به‌ر له‌هه‌ر شتێک دایکم ده‌هاته‌ سه‌ر سه‌رم  و به‌ ده‌نگه‌ نه‌رمه‌که‌ی خۆی ده‌یگووت : گوڵی دایه‌ جه‌ژنت پیرۆز ، هه‌سته‌ نانه‌که‌ت بخۆ

باوکیشم دوای هاتنه‌وه‌ی له‌ مزگه‌وت و نوێژی جه‌ژن ده‌که‌وته‌ ماچکردن و دانی جه‌ژنانه‌ی خۆی . چه‌ند جه‌ژن بوون ئه‌و جه‌ژنانه‌.

ئای که‌ ‌ تامه‌زرۆی دانیشتنێکی سه‌ر سفره‌ی گه‌رمی جه‌ژنتانمه‌. . . بیرتان نه‌چێت جه‌ژنانه‌م هه‌ر  لێتان  ده‌وێت.

جه‌ژنانه‌ی ئه‌م جاره‌م پڕ به‌ گوێکانی خۆم گوێم له‌ ئاوازی ده‌نگی دایکم و  هێنده‌ی توانای سییه‌کانم هه‌ڵمژینی  هه‌ناسه‌ی باوکم.

هه‌ر هێنده‌ هیچی دیکه‌م لێتان ناوێ. نا هیچی دیکه‌.

16:34 - 21.10.2006 - ناردنی کۆمینت

پیسنیار

هیوادارم مالپەرەکەتان لە پیسکەوتندابی.... خوازیارم بەسیک تەرخان بکەن بە پیساندانی جلی کوردی هەر جوارپارجەکەی کوردستان .کۆمەلی لە کجانو کوران بەرگاکان بپۆسن لە گەل هاتنی هەر سیوەیەکی نویدا پیسان بدری جاوەریی بەرهەمە جوانەکانتانین بەراستی مالپەرەکەتان زۆرسەرکەوتوە دەستان خۆس

KURDA - 22:17 - 7.12.2006

---