سابات

ئه‌و ده‌مه‌ی په‌پووله‌ ده‌بێته‌ جه‌لاد و مه‌رگی گوڵ حه‌ڵاڵ ده‌کات، چیدیکه‌ بۆ ووتن نامێنێته‌وه‌ جگه‌ له‌ ئه‌سه‌فی نه‌مانی گوڵ له‌ باخچه‌دا.

ئه‌و کاته‌ی فڵچه‌ ده‌بێته‌ ته‌لبه‌ندی زیندان بۆ ڕه‌نگ و تابلۆش به‌ مینبه‌ری سێداره‌.

ئه‌و به‌یانییه‌ی ئاسمان له‌ قه‌هر و توڕه‌یی خۆیدا ڕێگه‌ به‌ هه‌تاو نادا سه‌ردانی زه‌وی بکات، ‌ هه‌واڵی تاوانێکی ترمان پێڕاده‌گه‌یه‌نرێ.

ئه‌و ساته‌ی فلوت ده‌بێته‌ چه‌قۆی بڕینی نۆته‌کان ، ئاوازێک نامێنێته‌وه‌ بۆ ژیان.

 له‌ دوا ساته‌کانی پایزێکی شوومدا، زریانی مه‌رگێک هه‌ڵده‌کات و سابات ێک له‌ گوڵ هه‌ڵده‌وه‌رێنێت.

خه‌ڵکی به‌ وه‌رینی گوڵێ کۆستیان ده‌که‌وێت،  ئه‌ی وه‌ی به‌ حاڵی من،  بۆ له‌ده‌ستدانی سابات ێک.

15:29 - 29.10.2006 - ناردنی کۆمینت

مانوو نەبینی

بە ڕێز _ نووسەری وێبلاگی تەوار_
بە ڕاسی کاتێ وێبلاگەکەی ئێوەم بینی یەکسەر زانیم نووسەری ئەم شتانە قەڵەمێکی بە هێزی ئەدەبی هەیە
هیوادارم بەر دەوام بیت لە درێژەدانی نووسینەکانتدا.
ڕاسی یەک شتی تر من داوام لە بەڕێوەبەرانی کووردبڵگێر کرد کە بەشێکی تایبەت بە ئەدەبیات بکەنەوە ، ئەگەر ئێوەش ئەو پێشنیارە بکەن لەوانەیە باشتر بە دڵمان بکەن
زۆر سپاس هەر بەردەوام بیت

بنار - 00:48 - 31.10.2006

---

بۆ بنار

ئازیزم بەر لەهەر چیە خۆش هاتی و ئەم هەوارەت ڕۆشنکرد سوپاس.
منیش خۆشحاڵدەبم گەر کوردبلۆگێر کارێکی وابکات بەشی ئەدەبی زیادبکات پێم وابێت ئەوە خانەی کوردبلۆگەر لەوەی ئێستە هەیە فراوانتر و ڕەنگاڵەتردەبێت.
سوپاس کەهاتی و بنارێکت بۆ تەوار بەجێهێشت تادوای سەفەرێکی دوور ببێتە جێگە وچانی.

tawar - 10:47 - 9.11.2006

---