دابەزین

لە پاسەکەدا له‌ ته‌نیشتییه‌وه‌ دانیشتبوو،  هه‌ندێ جار له‌ په‌نجه‌ره‌ی پاسه‌که‌وه‌ چاوێکی خێرای ده‌گێڕا به‌ دیمه‌نی ئه‌و مرۆڤه‌ی له‌ ته‌نیشتیه‌وه‌ دانیشتوه‌ و ته‌نها چه‌ند په‌نجه‌یه‌ک  سنوری نێوانیانه‌‌.

که‌چی هه‌ست به‌ دورییه‌ک ده‌کات وه‌ک ئه‌وه‌ی چه‌ند قاڕه‌یه‌ک له‌ نێوانیاندا بێت.

ئه‌ویش وه‌ک ئه‌وه‌ی له‌و دونیایه‌ی ئه‌مدا نه‌بێت زوو زوو  لاپه‌ڕه‌ی کتێبه‌که‌ی ده‌ستی هه‌ڵده‌داته‌وه‌ .

ئیره‌ییه‌کی زۆری به‌و کتێبه‌ ده‌برد که‌ له‌ نێوان ده‌سته‌کانیدا وه‌ک مندالێکی خرپنه‌ بزه‌ی ده‌هات.

له‌ تامه‌زرۆی ئه‌وه‌ی بزانێت ناوی کتێبه‌که‌ چیه‌ ، خوازیاری ته‌نها وه‌ستانێکی له‌پڕی پاسه‌که‌بوو.

به‌ڵام که‌ی ئه‌وه‌ی مرۆڤ ویستویه‌تی به‌ ئاسانی بۆی ده‌سته‌به‌ر بووه‌، هێنده‌ی نه‌زانی زه‌نگی دابه‌زینی پاسه‌که‌ لێیداو  ئه‌و مرۆڤه‌ی ته‌نیشتی که‌وته‌ خۆ کۆکردنه‌وه‌ !

 چه‌ند سه‌یره‌ بۆ نه‌ده‌بوو ئه‌و ڕێگه‌یه‌ هێندێک دوورتربوایه‌.

چوو و ته‌نها وشه‌یه‌کیشی له‌گه‌ڵ نه‌درکاند..

13:39 - 8.11.2006 - ناردنی کۆمینت