sms

بەئەزیەت وەخەبەرهات، کە تەماشای پەنجەرەکەی کرد دیمەنی ڕوتی دارەکان و تەڕی شەقامەکان خرۆشی جوڵەیان خستە دڵ.

بەپەلە پەنجەرەکەی کردەوە و دەستێکی لە گوڵی نێو گوڵدانەکەیدا ، وەک هەمیشە بەیانی باشی لێکرد.  کەوتە گەڕان بەدووی موسیکێک  کە لەگەڵ ئەو دیمەنە و چاوەڕوانی ئەو لەو ڕۆژەدا بگونجێ ،  دییەوە و موسیکی دانا.  کەوتە خۆ ئامادەکردن لە خۆشییاندا نانی بۆ نەخورا هەر هێندە نەبێت قاوەیەکی کردە کوپە پەمەییەکەی و لەگەڵ خۆیدا دەیگێڕا بە ژورەکاندا و لە دووی جوانترین جلی دەگەڕا بۆ پۆشین.

لەپڕێکدا زەنگی sms کەی ڕایکێشایه‌ ئه‌و ژووره‌ی تێله‌که‌ی لێدانابوو.  بینی نوسراوه‌  ببووره‌ ئه‌مڕۆ بۆم ناگونجێ که‌ بتبینم . له‌گه‌ڵ ڕێز....

13:15 - 21.11.2006 - ناردنی کۆمینت